daana veera soora karna ntr dialogue

ఆగాగు..........ఆచార్య దేవ!!
హహ్హహ్హ  ఏమంటివి? ఏమంటివి ?
జాతి నెపమున సూత సుతునకిందు
నిలువ అర్హత లేదందువా ....!
ఎంత మాట ఎంత మాట !!
ఇది క్షాత్ర పరీక్షయే కాని క్షత్రియ పరీక్ష కాదే !!
కాదు కాకూడదు ఇది కులపరీక్షయే అందువా ??
నీ తండ్రి భరద్వాజుని జననమెట్టిది ??
అతి జుగుప్సాకరమైన నీ సంభవమెట్టిది ??
మట్టి కుండలో పుట్టితివికదా !!
హహ్హహ్హ  నీది ఏ కులము??
ఇంతయేల అస్మతపితామహుడు
కురుకుల వృద్ధుడైన ఈ శాంతనవుడు
శివసముద్రుల భార్యయగు
గంగా గర్భమున జనియించలేదా !!
ఈయన దే కులము ??
నాతో చెప్పింతువేమయ్యా.....
మా వంశమునకు మూలపుర్షుడైన వశిష్టుడు
దేవవేస్యయగు ఊర్వశీపుత్రుడు కాడా ??
ఆతడు పంచమజాతి కన్యయగు
అరుంధతియందు శక్తిని
ఆశక్తి చండాలాంగానయందు పరాశరుని
ఆ పరాశరుడు పల్లెపడుచు
మత్యగంధియందు మా తాత వ్యాసుని
ఆ వ్యాసుడు విధవరాండ్రైన
మా పితామహి అంబికతో
మా తండ్రిని  పినపితామహి అంబాలికతో
మా పినతండ్రి పాండురాజును
మా ఇంటిదాసితో ధర్మనిర్మానజనుడని
 మీచే కీర్తింపబడుచున్న
హ.... ఈ విదురదేవుని కనలేదా??
సందర్భావసరములనుబట్టి క్షేత్రభీజప్రాదాన్యములతో
సంకరమైన మా కురువంశము ఏనాడో కులహీనమైనది,
కాగా  నేడు కులము కులము అను వ్యర్ధవాదములెందుకు?

ఓహో ! రాచరికమా అర్హతను నిర్ణయించునది??
అయిన మా సామ్రాజ్యములో సస్యశ్యామలమై
సంపదవిరాళమై వెలుగొందు అంగరాజ్యమునకిప్పుడే
ఈతని మూర్ధాభిషిక్తుని గావించుచున్నాను
సోదరా.... దుశ్శాసన !!
అనఘ్రనవరత్న కిరీటమును వేగముగా గొనితెమ్ము
మామా.... గాంధారసార్వభౌమా !!
సురుచిరమణిమయమండిత సువర్ణ సింహాసనమును తెప్పింపుము
పరిజనులారా .....
పుణ్య భాగీరథీనదీతోయములనందుకొనుడు
కళ్యాణభట్టులారా .....
మంగలతూర్యారవములు సుస్వరముగ మ్రోగనిండు
వంధిమాగధులారా.....
కర్ణ మహారాజును కైవారము గావింపుడు
పుణ్యాంగనలారా .....
ఈ రాధాసుతునకు పాలభాగమున కస్తూరీతిలకము తీర్చిదిద్ది
బహుజన్మసుకృతప్రదీపాదిసౌలబ్ద సహజకవచకచవైడూర్య
ప్రభాదిత్యోలికి వాంచ్చలుచెలరేగ వీరగంధమువిదరాల్పుడు
నేడీ సకలమహాజనసమక్షమున
పండితపరిషన్మధ్యమున
సర్వదా సర్వదా శతదా సహస్రదా
ఈ కులకలంక మహాపంకిలమును
శాశ్వతముగా ప్రక్షాళనము గావించెదను