sriramuni charithamunu song lyrics in telugu

ఓ
శ్రీరాముని చరితమును తెలిపెదమమ్మా
ఘన శీలవతీ సీత కథ వినుడోయమ్మా
శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా

చెలువు మీర పంచవటీ సీమలో
తన కొలువు సేయ సౌమిత్రి ప్రేమతో
తను కొలువుతీరె రాఘవుడు భామతో

శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా

రాముగనీ ప్రేమగొనే రావణు చెల్లీ
ముక్కు చెవులు గోసె సౌమిత్రి రోసిల్లీ
రావణుడా మాటవినీ పంతము పూనీ
మైథిలినీ కొనిపొయె మాయలు పన్నీ

శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా

రఘుపతినీ రవిసుతునీ కలిపెను హనుమా
నృపు జేసెను సుగ్రీవుని రామవచన మహిమ
ప్రతి ఉపకృతి చేయుమనీ పలికెను సఖులా
హనుమంతుడు లంకజేరి వెదకెను నలు దిసలా

శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా
ఆ నాథా రఘునాథా
పాహి పాహి
పాహియని అశోకవనిని శోకించే సీతా
పాహియని అశోకవనిని శోకించే సీతా
దరికిజని ముద్రికనిడి తెలిపె విభుని వార్త
ఆ జనని శిరోమణి అందుకొనె పావనీ
ఆ జనని శిరోమణి అందుకొనె పావనీ
లంక కాల్చి రామునికడ కేగెను రివ్వు రివ్వుమనీ

శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా

దశరథసూనుడు లంకను దాసీ
దశకంటు తలలు కోసీ
దశరథసూనుడు లంకను దాసీ
దశకంటు తలలు కోసీ
ఆతని తమ్ముని రాజును జేసి
సీతను తెమ్మనిపలికే

చేరవచ్చు యిల్లాలిని చూసి
శీలపరీక్షను కోరె రఘుపతి
అయోనిజ పైనే అనుమానమా
ధర్మమూర్తి రామ చంద్రుని యిల్లాలికా యీ పరీక్షా
పతి యానతి తలదాలిచి అగ్ని దూకె సీతా
పతి యానతి తలదాలిచి అగ్ని దూకె సీతా
హుతవాహుడు చల్లబడి శ్లాఘించెను మాత
హుతవాహుడు చల్లబడి శ్లాఘించెను మాత
సురలు పొగడ ధరణిజతో పురికితరలె రఘునేత

శ్రీరాముని చరితమునూ తెలిపెదమమ్మా
ఘన శీలవతీ సీత కథ వినుడోయమ్మా
ఘన శీలవతీ సీత కథ వినుడోయమ్మా
వినుడోయమ్మా వినుడోయమ్మా

విన్నపాలు వినవలె వింతవింతలు - అన్నమయ్య సినిమా

అంతర్యామి అలసితి సొలసితి

నిగమ నిగమాంత వర్ణిత మనోహర రూప సాంగ్ లిరిక్స్
ఏడుకొండలు వాడ వెంకట రమణ గోవింద గోవింద సాంగ్ లిరిక్స్
పొడగంటిమయ్యా మిము పురుషోత్తమ సాంగ్ లిరిక్స్
అల్లా శ్రీ రామా సాంగ్ లిరిక్స్

దాశరధి కరుణా పయోనిధీ - శ్రీరామదాసు సినిమా పాట లిరిక్స్

పలుకే బంగారమాయెనా - శ్రీరామదాసు పాట లిరిక్స్