sitarama charitam song lyrics in telugu sriramarajyam

శ్రీ సీతారామ చరితం
శ్రీ సీతారామ చరితం
గానం జన్మ సఫలం
శ్రవణం పాప హరణం
ప్రతి పదపదమును శృతి లయాన్వితం
చతుర్వేద వినుతం లోక విదితం
ఆదికవి వాల్మీకి రచితం
సీతారామ చరితం

కోదండపాణి ఆ దండకారణ్యమున
కొలువుండే భార్యతో నిండుగా
కోదండపాణి ఆ దండకారణ్యమున
కొలువుండే భార్యతో నిండుగా
అండదండగ తమ్ముడుండగా
అడవితల్లికి కనుల పండుగ
సుందర రాముని మోహించే
రావణ సోదరి సూర్ఫనఖ
సుద్దులు తెలిపి పొమ్మనినా
హద్దులు మీరి పైబడగా
తప్పనిసరియై లక్ష్మణుడే
ముక్కూ చెవులను కోసే
అన్నా చూడని అక్కసు కక్కుచు
రావణు చేరెను రక్కసి
దారుణముగ మాయచేసె రావణుడు
మాయలేడి అయినాడు మారీచుడు
సీతకొరకు దాని వెనుక పరుగిడె శ్రీరాముడు
అదనుచూసి సీతని అపహరించె రావణుడు
కడలి నడుమ లంకలోన కలికి సీతనుంచె
కరకు గుండె రాకాసుల కాపలాగ ఉంచె
శోకజలధి తానైనది వైదేహి
ఆ శోకజలధిలో మునిగే దాశరథీ
సీతా సీతా
సీతా సీతా అని సీతకి వినిపించేలా
రోదసి కంపించేలా.. రోదించే సీతాపతి
వానర రాజగు సుగ్రీవునితో రాముని కలిపె మారుతి
జలధిని దాటి లంకను చేరగ కనపడెనక్కడ జానకి
రాముని ఉంగరం అమ్మకు ఇచ్చి
రాముని మాటల ఓదార్చి
లంకను కాల్చి రయమున వచ్చి
సీత శిరోమణి రామునికిచ్చి
చూసినదంతా చేసినదంతా తెలిపె పూసగుచ్చి
వాయువేగమున వానరసైన్యము కడలికి వారధి కట్టెరా
బాణవేగమున రామభద్రుడా రావణు తల పడగొట్టెరా
ముదమున చేరెడి కులసతి సీతని దూరముగా నిలబెట్టెరా
అంత బాధపడి సీత కోసమని ఇంత చేసి శ్రీరాముడు
చెంత చేర జగమంత చూడగ వింత పరీక్ష విధించెను
ఎందుకు ఈ పరీక్ష ఎవ్వరికీ పరీక్ష
ఎందుకు ఈ పరీక్ష ఎవ్వరికీ పరీక్ష
శ్రీరాముని భార్యకా శీల పరీక్ష
అయోనిజకి అవనిజకా అగ్ని పరీక్ష
దశరథుని కోడలికా ధర్మ పరీక్ష
జనకుని కూతురికా అనుమాన పరీక్ష
రాముని ప్రాణానికా జానకి దేహానికా
సూర్యుని వంశానికా ఈ లోకం నోటికా
ఎవ్వరికీ పరీక్ష ఎందుకు ఈ పరీక్ష శ్రీరామా
అగ్గిలోకి దూకె అవమానముతో సతి
అగ్గిలోకి దూకె అవమానముతో సతి
నిగ్గుతేలి సిగ్గుపడె సందేహపు జగతి
అగ్నిహోత్రుడే పలికె దిక్కులు మార్మోగగా
సీత మహా పతివ్రతని జగమే ప్రణమిల్లగా
లోకులందరికి సీత పునీతని చాటె మేటి శ్రీరాముడు
ఆ జానకితో అయోధ్యకేగెను సకలధర్మ సందీపుడు
సీతాసమేత శ్రీరాముడు

విన్నపాలు వినవలె వింతవింతలు - అన్నమయ్య సినిమా

అంతర్యామి అలసితి సొలసితి

నిగమ నిగమాంత వర్ణిత మనోహర రూప సాంగ్ లిరిక్స్
ఏడుకొండలు వాడ వెంకట రమణ గోవింద గోవింద సాంగ్ లిరిక్స్
పొడగంటిమయ్యా మిము పురుషోత్తమ సాంగ్ లిరిక్స్
అల్లా శ్రీ రామా సాంగ్ లిరిక్స్

దాశరధి కరుణా పయోనిధీ - శ్రీరామదాసు సినిమా పాట లిరిక్స్

పలుకే బంగారమాయెనా - శ్రీరామదాసు పాట లిరిక్స్